【狗仔出更】阿檸同Cheronna割席 即約長髮女睇話劇
蘋果日報 2019/10/12 16:45
Cheronna吳嘉熙阿檸
情侶關係，二變三已擠不下，三變四更是複雜。夏雨兒子黃奕晨（Dixon）和組合Super Girls成員吳嘉熙（Cheronna）兩年情玩完，卻因商台DJ薛晉寧（阿檸）與Cheronna一齊出席一個英國婚禮被爆出涉撬牆腳，女方更疑似一腳踏兩船，她近日又毫不避嫌留言「Love You Ning」為被罰停開咪的阿檸打氣。被指是第三者的阿檸昨馬上稱要跟Dixon及Cheronna割席以表清白。
阿檸似乎異性緣旺，他昨晚7時許在商台收工，獨自急步行去聯合道坐巴士，直往沙田大會堂，阿檸找路找了一會，原來有一名長髮女仔在大會堂門口持着票等候，阿檸搭她一下示意齊齊進場，大約兩個多小時後，記者發現阿檸和該名女仔二變三，同行多了一名中年男子，三人結伴行樓梯離場，邊行邊傾偈，並行入後台。雖然爆出第三者事件，但未有影響阿檸的正常社交活動，他繼續約友人去娛樂。阿檸今日回覆《蘋果》時表示，昨晚結伴同行的一男一女，分別是舞台劇導演及編劇，阿檸說：「我哋噚晚相約傾啲嘢，而家唔方便講，你哋可以問導演，佢講方便啲。」
阿檸今日又在Instagram貼出一張跟女仔BBQ的照片，他留言：「受牽連的人3.0，我係被地獄之火選中嘅人，所有人行埋我身邊都會變得不幸.....你睇Cheronna、Oscar、三家姐，瀨晒嘢啦！我決定盡快投考警察，希望可以將厄運之火，喺警隊世世代代咁傳去。」被tag的女仔名叫三家姐，其實她早於兩周前便貼出這張合照，她當時還留言：「三：『嘩火堆好正，合照囉檸。』檸：『好啊，我哋扮喺煉獄吖。』我本來以為自己已經反眼反得好樣衰，點知睇番張相檸表情真係極痛苦，仲要有埋手勢。咁都畀佢諗到，笑到我癡線。』」Cheronna也搭嘴：「我畀人迫走咗，如果唔係我都有份。」
採訪：黃曉程、羅德光、曹家誠