晚上KENNY向華華指,「自己表現見仁見智」,每一方衡量標準不同,上述聲明不會影響市場對其一貫評價表現。
君陽近排出晒名,主要因為佢被獨立股評人David Webb點名,成為「謎網50」(50隻不能沾手股份)之一,之前又有傳君陽係監管機構重點調查對象之一,家陣又話換人,咁都未完㗎,另一隻「謎網股」集成(1027)早前計劃以換股方式收購君陽。
君陽新任行政總裁胡偉亮噚晚接受華華電話訪問時,指對方係敵意收購,佢話君陽已經易手,新大股東蔡振忠乃珠寶商,換晒管理層,就係想一心一意想做金融證券生意咁話。至於點解鄧聲興仲係上市公司執董,據了解可能同集成正提出收購,公司唔可以𠵱家換董事有關。
李華華