羅霖今日在銅鑼灣出席網紅挑戰賽記者會，她表示去年開始拍片上網保持人氣，可是受疫情影響而要留在家中抗疫，加上工作量大減，失去6個月收入，羅霖要搬到一間租金較平的屋居住，她說：「我工作主要喺大陸，平時一個月，我起碼有4至5次嘅活動，所以我而家每個月冇咗6位數嘅收入，好甘呀！我而家係用緊自己嘅積蓄，希望快啲開關，有啲人講就算開關都唔好即刻去，但我話唔理，搵錢好過餓死，我講笑咋！」

談到前日搬屋，由於家中有很多物品，差不多有百幾二百箱，所以要斷捨離，「我以前做空姐要周圍飛，買咗好多紀念品，就算毛公仔都有百幾二百個，我三個仔嘅玩具又多，我差唔多掟咗三分二嘅嘢。」因為仍未執好屋，她笑言連適當的內衣都找不到。問她今日真空上陣？她尷尬地說：「黐乳貼！」

採訪：黃曉妍
攝影：馮嘉銘

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新