周日晚深夜嘅法甲比賽，尼斯以1:0力克波爾多，賽後升上聯賽第6。更重要嘅係，大家好熟悉同好掛住嘅「巴神」巴洛迪利又入波！

巴洛迪利上季加盟尼斯，為尼斯係法甲射入15球，仲帶領球隊奪得法甲第3。而今季初段，因為尼斯要兼顧法甲同歐霸兩條戰線，曾經跌到榜下游。近期全靠有狀態大勇嘅巴神，球隊止跌回升。周日晚比賽，巴神接應隊友利斯美路頭槌二傳，近門射入。近五場尼斯比賽，巴神都有士哥之餘，今季法甲只係上陣13場，已經射入10球。巴洛迪利自從14年轉會利物浦後，一直踢唔出最高水平，希望佢係尼斯可以乖乖地，他日再重返意大利國家隊喇。

--------------------
狂賀！BFB系列推出5​周​年，精彩活動為您安排，立即登入速享專屬優惠！ http://bit.ly/2xrTKGM