鄧健泓表示在眾多節日中最喜歡聖誕節,因為他曾經在加拿大度過一次難忘的白色聖誕,他說:「嗰陣時我喺加拿大讀書,試過有一年聖誕時落雪,加上家家戶戶都會好花心思去布置屋企,夜晚行出街就可以見到每一戶嘅聖誕布置各有特色,所以我對於布置聖誕樹都好有心得。」
想收玩具做禮物
由於Patrick早前搬了出來自住,所以他特意買了兩棵聖誕樹及聖誕花令家居增添節日氣氛,他說:「本身我自己都好鍾意植物,而且我一直都好想喺聖誕節時有一棵屬於自己嘅聖誕樹,不過我屋企隻狗好曳成日走去咬棵樹。」
此外,Patrick表示會送贈機票予女友原子鏸作為聖誕禮物,他說:「呢個聖誕節我就唔可以同女友一齊去旅行啦,因為有工作在身,可能要等到明年三、四月先至可以成行,咁我當然希望聖誕時可以收到我最鍾意嘅玩具做禮物啦。」
採訪:李珮洳
攝影:陳偉權
場地提供:千葉居