自從黃宗澤(Bosco)從容面對自己被刊登嘅晒雀相,周遭嘅人都好鍾意圍住同佢玩,噚日佢有份演嘅無綫新劇《潛行狙擊》喺將軍澳電視廣播城拜神,佢一身潮服,但就講起內褲廣告:「泳褲廣告我OK,內褲都冇問題,都係三角褲,到呢個地步冇乜唔OK。」
問到Bosco大可以考慮拍三級片,佢話:「有需要,有價值,露無妨,梁朝偉都可以咁專業,我唔怕為藝術犧牲,只要係劇情需要。」呢個諗法唔知係晒雀照前,定係後興起?佢好堅定咁話:「我不嬲咁諗,預咗拍劇係會有需要。」又有傳Bosco唔肯同無綫簽長約跳草裙舞被雪,佢話:「我冇,約仲有好幾年,年年有加薪,冇諗過走呢個問題。」