英超有Big 4甚至目前講到Big 6都有，香港馬壇則有騎師Big 4呼風喚雨。

當中，除現於成績表排第二的潘頓，在這天（8日）國際賽日全軍覆沒外，其餘分別排第一、第三及第四的莫雷拉、田泰安及何澤堯，今午都有在沙田馬場贏馬揚威一番。

田泰安貴為剛周三（4日）晚在谷中出爐的國際騎師錦標賽冠軍，今午於沙田戰至最尾第十場二班1600米，成功以呂健威馬房大熱門「幸福笑容」後上報捷，個人累積連勝三個賽日未斷纜，兼且成功穩住騎師榜季軍位置。

三歲愛爾蘭自購馬「幸福笑容」單Win及組合獨贏A1分別派28及19.5元，今場牠沿途殿後，最後百多米如一陣風般吹到，從大外叠越衝越勁，結果以馬頭位之先擊敗亞軍「友誼至好」掄元，再次攻陷二班賽。

「幸福笑容」連同今仗之勝，跨季近四次出賽全贏，暫時評90分，最新評分將是96分左右，已穩奪明年1月27日四歲馬系列頭關香港經典一哩賽入場券。

此駒馬主黃凱汶在15年曾以「幸福指數」（已退役）攻下香港短途錦標，今年雖無馬跑國際賽，但同日卻憑「幸福笑容」食尾糊。

賽後他表現得十分雀躍，不停摸馬頭兼親吻愛駒以示鼓勵。

呂健威連勝三次沙田日賽後，頭馬增至有17場，拍住名列練馬師榜第三位的方嘉柏，僅因亞軍次數不及對方而留守第四位。

第十場二至四名順序為「友誼至好」、「傑彩繽紛」及「四通八達」。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇