講開小朋友,GiGi同西班牙籍老公Sergio都好努力造人,但最近因為肩周炎脊椎彎咗,加上盆骨歪,驚影響生仔,醫生要佢先醫好脊骨,GiGi話:「要避孕兩個月,一心迎接(造人),本來開行油,𠵱家要煞掣。同老公聽到都呆咗,只好聽天由命。」
對於商務及經濟發展局局長蘇錦樑,講內地小孩喺街便溺嘅「包容論」,做咗媽咪嘅千嬅同囝囝出街會點處理?佢話:「通常之前屙清先,食餐飯好短時間,好少要去洗手間。我識嘅內地朋友好少會咁,可能只係個別事件,而且喺街咁樣唔係咁方便。不過應該有多啲指引方便大家。正如當日我話餵人奶,商場好少地方可以餵到,多啲指引會好啲。」