早前十月底英聯盃16強，熱刺主場輸畀韋斯咸2:3嘅賽事，有球迷用樽裝尿倒落人群。原來周日法甲里昂作客5:0大勝聖伊天嘅比賽，都有聖伊天球迷有樣學樣。只見片中呢位人兄係拎住個樽喺一角小便，擒上圍攔，稍作瞄準之後，就將個樽掟向隔離看台。掟完之後走佬途中，都不忘舉埋兩隻中指問候里昂球迷。

其實呢場波本身都有大鑊嘢發生，里昂嘅費基亞喺84分鐘入波之後，走埋去看台前面學美斯除衫向主場嘅聖伊天球迷展示球衣慶祝，聖伊天球迷想衝落去圍佢，搞到要出動防暴警察先收到科。

----------
曼城主力球員已經進駐『BFB CHAMPIONS 2.0』！快啲建立你嘅藍月亮軍團啦！
http://bit.ly/2xrTKGM