多哥位於非洲西部,毗鄰加納、貝南、科特廸瓦等國家!沿海一帶屢次被歐洲人侵襲,更成為了販賣黑人奴隸既中心樞紐,又名奴隸海岸!
咦!沙灘有人踢波喎,扮路過先!龍門框歪晒嘅?原來係用樹幹搭出嚟,唔怪得門楣凹咗落去啦,好原始足球呀!雖然膚色有別,但一個足球,就建立起彼此友誼!全部人都冇鞋着,跑得仲快。
記得馬龍講過,多哥足球隊,綽號「雀鷹」,國家隊波衫都繡上雀鷹徽號!唔理咁多,整番吓雀鷹射球先!
馬龍係我喺多哥嘅老友,佢土生土長,喺酒店入面打工,個衰仔盞鬼講義氣,又講到英文,因為官方語言係法文,所以好少多哥人識英文!