建制派人士發起今日（20日）在金鐘添馬公園舉行「守護香港」集會，大批身穿白衣的參加者到場，不少人帶同小朋友參與。帶小朋友出席集會的東涌居民田女士舉住守護香港標語，她指覺得現時的香港好亂，太過暴力，「訴求係可以和平㗎嘛，你和平遊行政府自然有壓力㗎啦，但暴力我哋唔允許囉！（但對方稱政府沒有回應？）咁唔回應但始終都會有壓力㗎嘛，係咪？政府有壓力自然會做嘢啦！咁我哋係咪可以靜心啲？唔好咁暴力，小朋友見到同警察有衝擊咁犀利，我哋都要同小朋友講唔可以有咁樣嘅暴力，如果唔係香港咪亂晒囉。」被問到政府在過去一個月做了些甚麼，田女士指：「其實講真，我係一個家庭主婦，政治嘅嘢我唔係好明，我淨係知道香港而家咁亂，影響咗經濟，唔係咁好囉。」

另一名拒絕透露姓名的女士指，痛恨最近的暴力事件，批評「暴徒」不負責任，「自己嘅行為唔負責任，反而推卸責任，呢啲係懦夫嘅行為」。 她最初拒絕透露「暴徒」做了甚麼暴力行為，「電視、 傳媒全部都睇到喇，真係唔需要再講······我睇到衝擊立法會，我睇到打警察，呢啲係我睇到嘅嘢，可能佢哋睇到另一樣嘢，但我只講到我睇到嘅嘢，任何嘅暴力，無論咩原因都好，都唔應該」。她認為示威者應該與政府「坐低傾，香港一家人應該坐低傾」，以解決糾紛。至於政府失信於民的情況，她表示也相信示威者不信任政府，但自己對情況「唔了解，唔明白」，所以不便評論。

守護香港集會結束後，有多名集會市民在現場執垃圾，當中主要是中老年婦女和伯伯，不過現場垃圾太多，垃圾桶旁邊有大量被棄置的標語和集會道具，亦有救護帳篷尚未收拾。

-----------------------------
民陣7.21遊行
日期：7月21日（星期日）
集合起步時間：下午3時
起點：銅鑼灣維園

-----------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9