車展速報:北美國際車展
日產InfinitiQX56成焦點

蘋果日報 2004/01/07 00:00


假美國底特律舉行嘅北美國際車展(NorthAmericanInternationalAutoShow),剛於過去嘅周日(1月4日)正式揭幕;場內展出咗多款快將推出嘅新車及概念車,全都令在場車迷有目不暇給之感,其中最惹人注目嘅,相信非以大型豪華SUV形象示人嘅日產InfinitiQX56莫屬。不如𠵱家就一齊嚟睇吓,部份在場展出嘅車款啦!

記者:鄭達基
豪華實用日產InfinitiQX56
以北美地區為主要市場嘅全新日產InfinitiQX56,將會響今年上半年打入車壇;新車以大型豪華SUV形象示人,除方匣子造型及龐大嘅身軀,予人一份剛勁感外,闊落車廂空間更可搭載多達八人,加上承托力甚豐嘅高級真皮座椅,乘坐倍見貼服舒適,當然唔少得重有多項用落既方便又容易嘅豪華配備啦!
機械配搭方面,新車將以一台5.6公升V8DOHC引擎作動力核心,馬力輸出高達315匹,而扭力輸出亦達53.9kgm,匹配一套5前速自動波箱,性能表現可謂毋庸置疑。
empty
empty
■車廂布局簡潔清晰之餘,加上既齊全又易用嘅設備,以及高級真皮座椅配搭,乘坐倍見愜意舒適。
最新旗艦福特FiveHundred
將有望成為新一代福特旗艦級車系、並會於今年內推出嘅FiveHundred,雖然以中型房車形象示人,但闊落車廂空間配搭,卻予人有置身響豪華轎車嘅感覺,而承托力十足嘅座椅,更為新車必備嘅配搭;新車另一個惹人注目嘅地方,會係佢所配用嘅嗰台能夠輸出高達200ps/5650rpm馬力,以及27.7kgm/4500rpm扭力嘅3.0公升V6引擎,附以一套6前速自動波箱,性能表現毋庸置疑。
empty
新裝示人福特Focus
同樣會於今年推出嘅新版福特Focus,除外形略有變動外,就連車廂鋪排亦有所改動,從而予人一新耳目嘅感覺;其中屬頂級四門ST型號嘅新車,採用咗一台2.3公升Duratec直4DOHC引擎作為動力核心(馬力151ps/5750rpm,扭力21.3kgm/4250rpm),附以一套5前速手波或4前速自動波,起步加速反應明顯要來得既敏捷又暢順。
empty
個性獨特豐田FTX
以概念Pick-up形象出現嘅FTX,身形龐大賣相吸引之餘,特高駕駛席及經過特別設計嘅軚盤角度,更可給予駕駛者有更佳視野範圍,以及舒適嘅駕駛環境;當遇有需要時,後排更可按需要收摺放平,以增加載物容量。至於機械配搭方面,新車將會利用一套以大容積V8引擎作核心嘅Hybrid混合動力系統,從而達致慳油又環保嘅好處呢!
環保SUV豐田HighlanderHybrid
近年興起嘅一股SUV熱潮,至今仍未有減退嘅迹象,而豐田廠方更響今屆車展會場上,展出一款名為HighlanderHybrid嘅全新SUV車款;新車最大賣點莫過於佢採用上一套Hybrid混合動力系統,並以一台3.3公升V6偈作核心,操作過程有如同廠嘅Prius環保車款一樣,好力之餘重有低廢氣排放及耗油量嘅特性。另外,HighlanderHybrid不但外形獨特,闊落車廂空間,更可容納多達七名乘客㖭!
empty
救援英雄JeepRescue
呢款最啱用作參與搜救工作嘅JeepRescue,雖然外形未算太過前衞突出,但車內後排座椅除可收摺放平,方便運載傷者或物品外,其救援設備配搭亦見齊全,當中包括適合行走Off-road路段嘅輪胎及懸掛設定、附有3D立體地圖嘅導航系統、車底攝錄機及衞星電話等等,咁就算要響一啲崎嶇不平嘅山路上進行搜救工作,都要比一般救援車輛來得方便容易啦!
狠勁辣跑佳士拿MEFour-Twelve
於車展會場上,佳士拿展出咗一款名為MEFour-Twelve嘅高性能跑車,一台輔有Turbo裝置、並由AMG作調校嘅6.0公升V12引擎,馬力輸出高達850ps/5750rpm,而當引擎處於2500-4500rpm時,更可發出達117.3kgm嘅扭力峯值,難怪0至100公里加速度僅為2.9秒,而極速更達約400km/h咁快啦!
至於另一個惹人注目嘅地方,除咗部車本身嘅造型,極具高性能跑車氣息之餘,一套跑車化懸掛系統,配合上前輪19吋、後輪20吋高性能輪胎組合,更能為呢部高性能跑車,帶來出眾嘅路面循迹性及操控表現。