網絡商準備咗幾種畀會考生減壓嘅3G服務，聽落都幾騎呢，但內容其實就包括咗多款聲畫兼備嘅M卡，等你Send畀其他同學仔，大家互勉一番；另外仲特設「自己友勵志鈴聲專區」，有爆笑、搞鬼、感人等唔同Mood嘅鈴聲，到放榜日手機肯定響個不停，聽完呢啲勵志歌仔，個人都醒神啲！就算成績唔夠理想都好，起碼聽完識笑吓啦！呢個專區入面，仲提供多款遊戲下載，更畀你單撈卡啦OK優惠券㖭，約埋成班朋友一齊唱K玩吓，認真體貼！

呢期LG當紅，出完Chocolate，再玩埋500萬像素之後，今回又輪到3G新機發表！U400可算迎合咗朱古力嘅黑色潮流，機面鋪上一層立立令嘅鋼琴黑物料，同時Keypad仲設計成圓形布局，雖則未配置音樂熱能感應掣，但個款已經夠搶眼。影相方面配備咗200萬及30萬像素相機，玩VideoCall都冇問題；另最高支援512MBMicroSD記憶卡，整體功能算應有盡有。

查詢：3香港（31628888）