【本報訊】事件另一主角──梁伯韜昨日接受本報查詢時承認，李嘉誠曾經借出五億元臨時貸款，但他表示，他沒有發誓資金來源不是來自李嘉誠。
「冇發過誓，攞嚟講嘅，你估細路仔玩泥沙咩，若果要搞到咁嚴重，發晒誓咁，點解唔響個協議度寫埋出嚟，寫明李嘉誠有份？」他又說：「現時無謂debate（爭論）大家講過啲乜，最緊要跟番個協議內容係點就點。」

「唔使向大陸借錢」

梁伯韜表示：「李嘉誠係借咗個臨時貸款畀我，借咗十日，係我主動向新加坡交易所披露，總之依足法例，要公布嘅嘢就公布。」
問及收購電盈涉及的90億多元是否仍未完成籌組，他表示：「詳情唔講啦，總之進展滿意，唔使向大陸借錢，我𠵱家計劃響PCRD（新加坡盈科拓展）開股東會前公布財團同埋融資計劃，會唔會有李嘉誠參與，𠵱家唔可以透露。」
若召開股東會前的財團名單並無李嘉誠，但股東會完結後才引入李嘉誠，是否會有問題？梁伯韜表示：「總之唔會咁樣，我做嘢要合法，符合監管機構嘅規則，做人要光明磊落，到時候我會交代清楚，要有透明度，唔會收埋。」