泰國有紅衫軍反政府；香港都唔執輸，有「紅衫魚」運動反狼英。一班嚟自唔同泛民政黨同組織嘅人士，近日喺facebook發起「一人$100換特首抗融合．拒赤化．反盲搶地」行動，希望集齊足夠作戰力嘅「紅衫魚」。當狼振英外遊返港之日，就係佢哋「起義」之時，希望屆時喺幾份報章登廣告，以紅制紅踢佢走，等香港人唔使再咁愁。

趁休假後返港送禮

進擊之紅衫魚運動發起人有十幾個㗎，包括新民主同盟范國威、公民黨毛孟靜同社運女神周澄等。唔知呢個運動嘅源起，同狼英分享過炮製紅衫魚嘅心得有冇關呢？如今狼英變成佢哋「烹調」嘅主菜。發起人之一嘅周澄話呀，狼班子劣迹斑斑，香港人忍夠嘞，一定要一人一張紅衫魚，盡快踢走佢；Miss Mo覺得踢走狼英一大好處，係捍衞香港最基本面貌同價值。
運動會視乎籌集嘅資金數目，決定喺幾多份報紙登廣告；登報目標日子則係狼英休假返港後第一或二天，呢份賀佢回歸嘅禮真係大嘞。想出動紅衫魚進擊狼英嘅人，可以喺本月30日前捐款去恒生銀行（290-131622-882），並將入數紙同姓名電郵至mailto:[email protected]

mailto:[email protected]

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange