身在倫敦嘅馬天佑，喺香港時間今晚7點，出席喺當地Carriage Hall舉行嘅「Kent & Curwen SS18」 時裝活動，由於碧咸係品牌嘅生意夥伴，所以佢有出席。

馬天佑有機會成為香港惟一被邀請出席嘅藝人，仲有機會碧咸埋身傾偈，佢話覺得好榮幸同開心。問佢同碧咸見面講乜？佢話自己都係做時裝生意，所以大家有講吓設計靈感。馬天佑話：「碧咸一見到我好驚訝，因為我咗最新SS18 嘅衫，佢話連佢自己都未著。」

馬天佑指，佢今次去倫敦，主要出席唔同品牌嘅時裝秀，逗留7日就會返港。之前英國有恐襲，佢話唔驚得咁多，自己會小心啲。