【本報訊】近年本港樓價越來越貴，人人都話「買樓很難」。花旗銀行公佈去年第四季市民置業意向調查發現，近56%「無樓一族」受訪者認為，未來10年置業無望，主要考慮到樓價續升及負擔能力等因素。
政府推出樓巿「新辣招」逾兩個月，惟調查結果顯示，即使增加印花稅亦無礙港人置業意欲，按季微升1個百分點至18%，連續兩季錄升幅；過去一個月有睇樓的受訪者佔整體一成。
花旗零售銀行業務主管林智剛表示，由於市況不穩因素增加，以及預期樓價繼續升，有近七成人認為現時非置業好時機。
有睇樓受訪者中，僅7%明確表示未來三個月會落實置業計劃，按季跌5個百分點。
林智剛相信，巿場需求仍存在，但「（市民）對樓巿嘅fear（憂慮）大咗，其一係擔心樓價會繼續升，加辣之後樓宇成交宗數減少，正反映佢哋心態。」此外，美國宣佈明年逐步加息，買家供樓負擔增加，也影響他們置業信心。