【我來自非洲】港非混血兒留港升學 港媽話:我想佢融入呢個社會
我來自非洲
JoJo表示考慮待Abou待一對子女長大點便去非洲生活。
Abou自爆爸爸喜歡他練字,不喜歡他跳舞,但媽咪就支持他。
Abou和妹妹薜錁隨媽咪在香港住,爸爸則很多時要留在非洲工作。
Abou性格開朗,加上說得一口流利廣東話,十分可愛。
梁梓禧(前名:梁奕倫Roland)早前與友人合資開辦兒童才藝學院。今年6歲嘅薜霖(Abou)是位港非混血兒,也是學院學生之一。訪問當日,Abou母親JoJo帶同幼女欣賞哥哥跳舞,人細鬼大的Abou即場模式BIGBANG跳舞,十分搞笑。
在香港土生土長的JoJo,與非洲藉丈夫在香港認識,相識18年,結婚已經有7、8年,兩位小朋友在香港出生、長大。因為膚色不同,她坦言要加大力幫助子女融入這個社會。JoJo說:「試過去playgroup,一個講普通話嘅小朋友叫佢走開,話唔同佢玩,我企喺旁邊,我冇出聲,想睇下Abou會點,結果Abou用普通話同小朋友講,問佢乜嘢名字,我都係第一次聽佢普通話,小朋友好自然就用普通話答番佢,咁兩個細路就一齊玩喇!」
性格開朗的Abou自言好想認識新朋友,他表示:「我鍾意同人make friend,三、四年班都有朋友,我冇推人,冇Shouting,冇跑得太快撞人,做得好啲,就會令人開心高興。」他又自爆試過被排斥,被同學無理指控,Abou說:「佢喊話畀人『蝦』,但係我冇『蝦』佢,佢仲喊住同uncle講!又試過有次坐校車,有同學話我好衰,話唔理我,自己就好認真咁轉位,唔理佢哋,有時都覺得佢哋冇禮貌㗎,想用腳踢我添,我都想話畀老師知。」
訪問當日,Abou父親本答應由非洲趕回香港,但最終還是趕不及,超過八個月沒有見過爸爸的Abou撒嬌說:「好掛住佢,因為好少見爸爸,佢次次飛走都喊,好想見到佢!」問Abou喜歡香港還是非洲?他直言將來希望返回非洲生活,因為非洲地方很大,希望香港的朋友會去非洲找他。
場地提供:香港兒童才藝學院
採訪:小米
攝影:沈健程
影片:馮嘉銘
精選娛聞,喺晒《娛果》
http://fb.com/appledailyent