狄波拉(拉姑)嘅前夫謝賢怒摑曾江,阿仔謝霆鋒又被爆女友王菲有咗,新聞一單接一單,加上早前拉姑飛去泰國拜神,點知就喺佢拜完四面佛之後冇幾耐,現場發生大爆炸,當時拉姑接受電話訪問,聽到都好震驚,如此慘劇,聽到都影響心情,唔知係咪咁,最近都好少見到拉姑出來悠閒嘆茶。
直至今日拉姑同老公鬍鬚Kong終於出動,佢哋一行5人,連埋傭人喺中環置地嘆茶食飯,拉姑除咗食飯之外,全程都戴住副墨鏡,而佢背包仲掛住隻熊公仔呀,當佢食飯嗰陣發現記者,又即刻戴番副超,唔知係咪冇化妝呢?之後佢哋去到文華酒店,上車前撞到友人傾咗一陣,再上車離開。