劉嘉玲、Janice Man及諸葛紫岐等前晚現身尖沙嘴出席時尚派對，當中王君馨穿鄭兆良設計的黑色透視裙現身，最為搶鏡。王君馨說自己以真空上陣：「本來可以墊胸，不過有一面透視，只貼咗乳貼同雙面膠紙，都有着底褲。」

對於近期無綫盛產性感女神，王君馨說：「性感要睇場合，我剪咗短髮，想型啲，事業線可以收埋，同埋性感係好神秘，要留番畀老公睇。」記者笑王君馨保守，身為基督徒的她表示不會有婚前性行為，更自爆是處女：「我仲係處女，細個已經知道唔應該，我17歲就拍拖，想結婚先會考慮呢樣嘢，我嘅第二個男友，就係因為呢樣嘢同我分手，我好傷心，佢為呢樣嘢嬲我。」
黎明旗下的Janice Man，獲悉前老闆娘樂基兒下月將返港出席活動，她揚言會與樂基兒聯絡：「知佢就快返，都買咗生日禮物畀佢。」問會否因老闆關係而疏遠樂基兒？JM說：「唔會，返嚟都會約佢，大家好close。」

問JM可會喜歡黎明這類男士？她表示：「係上天緣份，遇到個有才華會開心，唔會強求。」記者指黎明也吸引，JM說：「整蠱我，我信緣份，感覺行先。」
採訪：梁錦雯
攝影：陳俊強