鄧達智同男友陳梓欣（Clement）決定下年6月在英國註冊結婚，今日先喺尖沙嘴舉行200人婚宴，講到菜單中嘅菜名，鄧達智就話都會諗過，當中有唔同嘅故事，其中一道菜叫小鮮肉，係咕嚕肉嚟，因為陳醫生好鍾意食，鄧達智仲話：「小鮮肉當然係話陳醫生啦，相對我嘅話。」

問到鄧達智會唔會返去祠堂做儀式，佢就話：「如果會的話，就唔會走到呢個地步，我都擔心親友未必接受到，我唔會返去祠堂做啲特別儀式，或者出年6月度蜜月，可能會去挪威行山，去意大利等等。」

問到兩個踏入人生另一個階段，會唔會對對方有咩承諾，陳醫生即刻話：「我愛你一生一世。」之後鄧達智就勁感動，兩個仲即刻錫咗對方一啖，問到鄧達智有咩承諾，佢就用咗樂隊stine嘅一首歌歌詞同對方講：「 Take good care of my heart，我都會take good care of your heart。」

講到今晚會唔會親友亮相，鄧達智就話：「因為之前去完旅行過陳生生日，嗰次訂咗婚，正式親友得兩圍，所以先有今晚呢個宴會。」