由李昇基、車勝元、吳漣序等人主演嘅tvN新劇《和遊記》大前日首播，收視高開達5.29%，不過前日播出第二集就出現災難性嘅播放事故，多次出現穿崩鏡頭，令劇迷非常失望。

今日有報道指《和遊記》劇組隱瞞有工作人員於拍攝期間發生意外一事，指工作人員A某大前日懸掛於天花板上嘅吊燈時，不慎由3米高墮地，導致腰及盆骨骨折及脊髓受傷，又因受強烈衝擊而懷疑腦出血。

據知A某已即時送院急救，不過情況並唔樂觀，出現下半身痲痺及沒有意識嘅狀況，幸而現時已恢復意識。

tvN方面今日發聲明回應：「首先，要向遭受事故嘅家屬表示最深切嘅同情及歉意。劇組意識到事故嘅嚴重性，正跟進A某嘅康復進度。」tvN透露劇組將於聽日跟製作公司商討是次意外嘅處理方案，又希望A某盡快康復，並將盡最大努力處理是次事故，承諾會盡力防止未來再次發生意外。

更多韓流，喺晒《娛果》
http://fb.com/appledailyent