古巨基今日喺商台接受訪問，提到佢嘅嘅MV被提早播出街，基仔就話要追究到底，因為佢忙於演唱會嘅宣傳，所以冇追問公司情況：「原本公司夾咗一個平台同日播，但係o依家提早咗，要睇番邊個部份出現問題，今日仲要係演唱會信用卡優先訂飛，睇吓啲歌迷訂唔訂到飛。」佢話自己唔多飛債，卸晒俾古太負責，而古太只會接相熟朋友嘅單。

講到演唱會嘉賓，基仔就話o依家都諗緊搵邊個，有歌迷提意當年五虎或黃子華，最近五虎之一古天樂喺唔同場合唱歌，基仔話：「為慶祝佢攞獎，不如佢搞番個今期流行男朋友演唱會，好耐之前有講過我開騷佢嚟做嘉賓，佢有應承過，唔知佢o依家啲期點，我都想睇。」

精選娛聞，喺晒《娛果》
http://fb.com/appledailyent