郭藹明和劉青雲去年結婚廿年，她笑言忘了到哪兒慶祝，只記得兩公婆和友人一齊吃了一餐飯，而每年結婚紀念，都要視乎青雲的工作檔期。

為婚姻保鮮不易，郭藹明覺得自己最大轉變是要在婚姻中，學懂妥協、互相遷就，「你一個人單身時，好多嘢係跟自己方向去行，但結咗婚，兩個人一齊生活，始終要學識遷就，要搵返大家底線，互相磨合。」老公眼中的她，固執向前衝；她眼中的老公，對許多事有高要求，「你就吓我，我就吓你咁，咁先可以相處得嚟，再慢慢一齊變老。」

一齊變老？郭藹明髮型、身材、樣子多年不變，凍齡人妻的時尚之路，她直認是懶人，平日打扮casual，「少啲衫，唔使管理。風格我都好簡單，唔想披搭太多嘢喺身上，even顏色，買嚟買去都係呢啲顏色，黑色、白色、灰色，偶然會鍾意黃色，你會發覺，原來我係咁嘅人。」女人總愛shopping，中伏位和你我一樣：高跟鞋！「你唔會着對高跟鞋去街市，變咗買完返去，好似藝術品咁放喺度，得閒就拎出嚟摸吓、睇吓，但就唔多着。」

-----------------------------
一書睇曬 4大時裝周、預知秋冬十大潮流，《add 2019秋冬時裝周 》電子精讀本。
點擊即睇： https://hk.adai.ly/hM8BU8dTrV
-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV