當年今日
關於我們

【韓流】姜成勳私闖前經理人寓所兼搶電話 警方先後出動兩次

蘋果日報 2018/09/27 17:11

姜成勳水昌男孩

韓國元祖偶像男團「水晶男孩」38歲主唱姜成勳最近是非纏身,除咗被台騷主辦單位告佢單方面取消台騷外,又爆出佢同粉絲團嘅負責人A某傳出緋聞,之後有粉絲喺網上就發聲明要求佢退團。早前YG方面亦宣佈姜成勳將唔會參與水晶男孩下月舉行嘅演唱會,事業形象似乎危危乎。
點知今日姜成勳再爆是非,根據江東員警署相關人員消息指,姜成勳與工作人員朴某及一名熟人合共三人,今日中午時份到位於首爾江東區姜成勳前經理人金某嘅寓所,以「想同金某講嘢」為由引發騷亂,而金某及同屋嘅哥哥就報警求助,最終搞到警方要出動兩次調停事件。
根據目擊者指,其中一次警方出動時,姜成勳與同行人士喺車內等,見到金某出來欲步上的士時,姜成勳等人即硬搶走對方嘅手機,令警方再次現身。而金某將會針對姜成勳等人嘅行為告佢哋擅自闖入私人住宅、監禁及強迫等訴狀。而朴某就指遭遇到與金某同居嘅B某施暴,向記者展示手腕嘅瘀傷,直指事件同姜成勳冇關。
據了解金某早前已從經理人公司離職,亦都係近日姜成勳鬧出連串是非嘅關鍵人物。
精選韓流,喺晒《娛果》
http://fb.com/appledailyent
empty
今日與工作人員私闖前經理人寓所