樂視香港清盤有先兆？翻查樂視香港的facebook網頁，原來最近一個post已經要數至今年9月6日，足足相隔了逾三個月，此post獲網民大量留言，大部份都是投訴其服務，但未見有出現官方回應。

部份留言如下：

「其實呢，你個會員計劃，我錢又比左，你又比唔到野我睇，咁我會問你地會否補返我睇唔到既日子呢？我既網速講緊係200幾MB!唔好同我講係我網路公司問題！擺明係你地公司問題！」

「明明登入左,個會員仲有排,佢今日睇片就話"服務不給力,請重試" 網絡正常,之後按多幾次睇到,但話我未登入睇唔曬全部..............有無人可以回覆下.」

「貴公司想點呢？又睇唔到英超，連續兩個星期係咁，服務差到冇人有，我超後悔由now tv 轉過嚟，我完約後一定唔會再續約，我會話曬俾所有親戚朋友知你地公司有幾差，大陸真係大陸冇嘢好，只怪我大天真貪平」

「樂視英超更新後，完全睇唔到英超 Live , 求助無門，合約仲有2年，錢俾咗，零售後服務，零跟進，點算呀 ? LeEco 樂視 咁嘅服務，遲早釘，死得，咁嘅口碑，見過鬼怕怕。」

蘋果財經，關心你飯碗
http://fb.com/appledailyatm