從港鐵上水站乘小巴到古洞馬草壟，未到志記鎅木廠門口，率先前來迎接是數隻熱情的唐狗，隨即就聽到志記第二代負責人、董事總經理王鴻權（權哥）洪亮的聲音﹕「唔使驚、佢哋好乖㗎，係百厭啲。」志記鎅木廠有逾70年歷史，權哥父親1948年已於北角設廠，但因為城市發展已先後四次被逼遷，輾轉才購入現時在古洞佔地約一萬呎的木廠。但命運總愛捉弄人，政府早前取得撥款，新界東北發展計劃正式上馬，稍後將收地及清拆，志記再一次難逃逼遷的命運；權哥大半生與木材為伴，盼木廠可原址保育，將木廠的歷史及知識、工藝傳承下去。

記者 譚靜雯

家住小西灣的權哥，每周一至四風雨不改駕車到古洞開工，從小就跟父親在木廠打滾，「細個放學就幫手，9歲已經去曬柴，曬完（柴）可以攞出去賣，賣到6、7蚊一擔」；亦見證鎅木業的黃金時代，「72、73年香港經濟起飛，幾好搵，嗰時鎅左啲木材主要畀建築公司起樓。」至80年代初兄弟自立門戶，權哥就繼承家業，正式接手木廠。

不過，志記曾因城市發展被四度逼遷，「最初木廠喺北角，但因為要發展北角搬咗去柴灣，71年又因為發展柴灣公園，再搬去近海岸線。但之後又要發展地鐵、東區走廊，又要搬，嗰時可以叫走投無路、血本無歸……爸爸考慮過係咪繼續經營木廠。」其後志記輾轉購入古洞佔地約一萬呎的木廠，現址就由83年初起經營至今。

由廢棄的碼頭木，到珍貴的黑胡桃木，志記就如木材寶庫，權哥對每種木材用途更是琅琅上口，猶如木材活字典，「嗱，貨櫃碼貨頭棄置嘅木材，鎅完加工後，可以畀建築公司做釘板；西江杉就有香味又防菌，可以用嚟維修廟宇、古蹟。樟木初時唔值錢架，係近十年先開始有人留意，因為可以防蟲防潮。」

隨着時代變遷，鎅木行業日漸式微，志記成為香港碩果僅存的鎅木廠，「因為環保原因，政府指定（起樓）一定要用環保木，之後用水泥鋼筋，香港嘅鎅木廠幾乎全部消失，其他仲喺度嘅木廠就變咗做貨倉。」志記也由最初加工木材，轉營至今回收廢木並循環再用。

推土機即將殺入新界東北，位於古洞的志記也不能倖免，「地政有個高級主任口頭同我講會收地，但可以延後至2021年尾先收返木廠（塊地）；呢度已經係馬草壟，隔籬深圳，差唔多冇地方走。」他估計，木廠至今仍餘下逾千噸木材未處理，「廢棄木材可以重新賦予佢生命，好過塵歸塵、土歸土啦，分解要好長時間，不如睇下有冇方法用咗佢。」

社會不少人關心鎅木廠的去留，權哥盼政府可以原址保育木廠，將木廠的歷史及知識傳承下去，「木廠有70年歷史，對香港發展成長幫助好多，好多建築用木，對發展最有貢獻。（木廠）絕無僅有，對木有興趣嘅人都喺呢度參觀、學習、了解……喺外國呢啲好多（都）保留，香港可唔可以做到咁呢？講得唔好聽，我今年70歲，71（歲）都嚟緊，唔會做得好耐，但呢樣嘢可以繼續承傳落去，人只不過是過客，地（方）係永遠。」

-----------------------------

9.28五周年集會

日期：9月28日（星期六）
時間：晚上7時至9時
地點：添馬公園
註︰已獲不反對通知書

主辦︰民間人權陣線
-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰不反對通知書申請中

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》

《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港