踏入12月以來，港股復現「大時代」場面，指數波幅擴大不在話下，另外值得普羅散戶重視的是恒指本月再度升破50日線，以及近期股海升浪漸擴散至不同板塊股份，出現輪流炒上現象，股場上的「全職炒家」尤其鍾意近期這種市況。
美國拯救汽車業未達共識，事件應不會就此算數，料續有新方案出台，務求平衡各方利益，否則美國點樣安置超過百萬人失業大軍？美國汽車工會工人一向「惡慣」，奧巴馬即將接任總統，汽車業救亡方案搞唔掂，難道他又不怕上任時被人掟雞蛋？
最近不少數據顯示美國經濟持續惡化，相信聯儲局肯定會再大手減息，換言之，港股經過上周五受壞消息拖累急跌後，不排除市場又會憧憬有好消息再炒過。

低位承接力強

內地燃氣股相對其他中資股表現較落後，中國燃氣（384）上周四大成交急升後，因周五港股受美國汽車業「失救」而急瀉，中燃股價亦一度回吐，惟低位承接力強，跌至0.93元後拗腰反彈，重返1元收市，冇升跌。
中燃在大跌市日幸保不失，兼且成交減少，反映投資者惜貨如金，估計升浪未完，可伺機追入，短炒目標1.38元，以0.75元止蝕。
方星俠