當年今日

告別不羈迎新生
陳小韻年底嫁銀行男友

蘋果日報 2009/08/17 00:00


由模特兒轉打時裝工的陳小韻(Cara),戒蒲戒煙,生活身份都即將大改變。陳小韻將於年底嫁予拍拖兩年的男友Kin,兩人先在外地行禮,再回港擺酒,鬼妹仔的Cara愛型,揚言大紅裙褂免問。
社交圈又有喜事!陳小韻將與拍拖兩年、任職投資銀行的男友Kin年底結婚,Cara與被稱為「ball場王敏德」的未婚夫Kin會先在外國行禮,再回港補擺喜酒。
empty
陳小韻將於年底披嫁衣,出閣做新娘。
資料圖片
empty
陳小韻父親陳曜旻,當年和章小蕙的戀情,曾哄動一時。
資料圖片
外地結婚當度假
記者昨日向Cara道賀,一向爽直的陳小韻直認不諱說:「你問到我,我又唔會話唔認,準備年底前結囉,其實我想低調啲,因為真係好多嘢都未準備,朋友都未通知晒。」Cara對於求婚詳情和未婚夫的出身非常口密,她說:「我哋唔係教徒,所以冇特別儀式要搞,喺外地比較開心啲,好似度假咁,同埋屋企人都好西化,唔會有啲好傳統嘅儀式。」
愛時裝的Cara找了香港本地設計師設計婚紗,她笑着說:「件衫仲做緊,我都未睇過,同埋都會買多啲其他dress,但就唔着裙褂喇。」
empty
陳小韻和黃家諾有過一段情,當年不時結伴出席娛圈活動。
資料圖片
去年返朝九晚五
曾經是索爆model的陳小韻,父親是章小蕙舊愛「白頭陳」陳曜旻。Cara有過多段戀情,她都常自嘲「拍完又甩、甩完又拍」,拖友對象都是音樂人或模特兒等,曾經和黃家諾、鄭希怡化妝師男友Andy、廣告界Jacky等拍拖,但每段情都未能開花結果。
去年開始,Cara脫離模特兒工作行列,曾長駐上海打理父親的生意,後來又轉返朝九晚五的童裝工作,戒夜蒲、戒煙,生活健康,如今找到生命另一半,可喜可賀。
採訪:DebbieLum