今晚八場谷草賽事將使用A跑道，現時的場地指數是2.70，掛牌好地，另外，如天氣情況許可下，將按計劃在第4場後進行壓地。
睇番11月12日A欄乃養草兩星期後重用，場地指數同樣是2.70，掛牌一樣是好地，故賽果具參考價值。當晚一至四檔總共勝出六W，可見內檔優勢甚大，其中「飛翔星」、「喜益善」及「摯友無敵」都係守貼欄包廂位賺形勢建功，就算居中後上馬如「聖驛善」及「盈威勇士」都係在彎位留守內叠慳完衝上，走外叠好蝕底。