上星期四臨收市時，唔知各位有冇留意到好多隻國企鋼鐵股都突然升咗4至5個巴仙，呢一浸升上嚟好似係毫無先兆咁，就好似隻重慶鋼鐵（1053）咁，朝早重係跌緊，點知晏晝一開市，啲買盤就驚死買唔切咁入市。伏勝打電話落市場問有份掃貨嘅行家，問有乜料可以令到隻股咁厲害，佢就靜雞雞咁話，國內去年對鋼材嘅需求好大，而且啲國企鋼鐵股又就快公布業績，所以班芬佬開始收集，希望喺第一隻鋼鐵股公布業績嘅時候，即刻炒高所有鋼鐵股。