前晚譚詠麟(阿倫)談到衞詩(Jill)藏毒案會於24號在日本開審,阿倫希望有關方面能夠從輕發落,問到其契仔關楚耀有否要求阿倫幫Jill?阿倫說:「我呢排都冇同佢聯絡,冇乜嘢好講,不過如果要幫手就快,因為就快上庭。」此外,有報道指趙碩之收5位數字利是出席飯局,她昨日否認說:「我只係講新年出席慶功宴,搞到父母睇到報道好激動咁拍我房要我解釋,總之無論幾多錢我都唔會去不道德飯局。」另外,關淑怡也有到場錄音,她表示這幾天復活節假期未有和囝囝出埠,稍後她將擔任古巨基演唱會嘉賓。
採訪:何永寧、魯萍
攝影:陳慧安、仇志德