李克勤噚晚就出席《華仁‧我家》華仁書院90/95周年校慶籌款活動，佢就話好開心返到嚟母校，佢就覺得好唔同，因為佢噚日就去到華仁書院做綵排，佢話：「個感覺好唔同，依家好現代化，又有電梯又有禮堂，好多嘢都唔同晒，好多新科技。」

李克勤就話會唱兩首歌，會同學校嘅管弦樂團合作，佢就大讚管弦樂團好專業，好自豪可以同佢哋一齊演出。佢又話：「過往出席呢啲母校嘅活動，都會捐錢同參與好多唔同活動，都知好多師生感情都好好，我仲遇番以前教我讀英文嘅老師，佢以前好索，依家都好索。」