無綫慳家就係人都知，除咗蔡思貝、陳凱琳面孔喺啲劇無限loop，道具、戲服等等，亦時不時俾眼利網民，發現循環又循環咁，用完再用。

咁今次主角係邊個呢？咪係同樣喺有線過檔大台嘅好姊妹梁嘉琪同黃翠如囉！

有網民今日貼咗翠如BB同梁嘉琪做節目嘅相，就問翠如BB究竟係邊個着咗邊個件衫。相入面，梁嘉琪同翠如BB，同樣着咗件超sharp醒嘅彩色間條衫，直頭離一條街都見到嗰隻。

通常呢個情況，俾人篤爆咗，大部份artists都保持緘默或者hea住答，偏偏翠如BB就好鬼認真咁回覆呢位網民，留言話：「我都係唔知着邊個件衫！」仲引用番梁嘉琪個句：「只能說公司D衫好耐穿。」

雖然件衫喺過去或未來，唔知仲有冇第3、4、5………N個人着，不過o依家知係姊妹着，翠如bb心理上應該會好過啲嘅！