點知今年2月，黃、藺兩人突然同黃浩講，大陸同新加坡老闆縮沙，叫佢一個人食晒。黃浩始終係門外漢，加上自己仲有盤飲食生意，所以亦都拒絕再玩。
咁黃偉康同藺常念檔嘢點收科呢又？華華問過藺常念，佢老人家話家仲申請緊牌照同請緊員工，拍檔係黃偉康，幾時開檔就講唔到，唯一肯定係黃浩唔係老闆或者股東。
至於黃浩就唔否認拒絕再玩嘅傳聞，話家專注做好自己嗰瓣。華華問佢點解無啦啦「玩」兩個名嘴，佢就呼寃話自己好認真，唔係玩玩吓，就連黃偉康話要租ICC（環球貿易廣場），都幫佢哋安排上去睇，你知啦，ICC唔係話要睇就有得睇，大業主新地（016）要你提供銀行擔保先畀你上去。
夾份變獨資，又難怪黃浩跳船嘅。華華收到風，黃、藺兩人仲搵緊水喉，開唔開到檔仲係一個問號。
李華華
mailto:
[email protected]