「我平日太忙嘞，所以完全冇做家務，只係每日陪仔女睇半個鐘頭書。」大律師公會前主席梁家傑坦言，平日「一定唔會洗衫、煮飯」，唯一走入廚房的日子，是每個星期日必定會為家人煮麵做早餐，「我屋企人覺得呢個係星期日必然節目，大家星期日一起身就等我煮早餐，都幾開心㗎。」

逢周日煮早餐
梁家傑每日工作最少十小時，他太太陳淑儀則在香港大學兼職，因此照顧三名子女的責任都落在太太身上，不過他說由於有外傭打點家頭細務，故太太主要是「睇實細路功課」，現在「暑假輕鬆啲，一開學佢就好緊張。」
雖然平日絕不沾手家務，不過換燈泡、修理水喉這些簡單的瑣事，都是由他出馬，最粗重的家務只是每個星期日下廚煮早餐，而星期六、日必然是家庭日，「會一家人行超級市場、一齊睇書，如果照顧仔女都算做家務，咁拉勻全星期，我每日平均都做個幾兩個鐘頭家務㗎。」梁家傑笑言自己做家務的時間，已比當局的調查數字多一倍，至於太太有沒有要求他做多一點家務，他想了想才說：「我諗佢會希望我做多啲啩。」