當年今日
關於我們

福祿壽單打《勁歌》賽果
李思捷寸林峯攞獎夾硬嚟

蘋果日報 2012/01/13 06:00


福祿壽前晚到銅鑼灣為商場宣傳,三人齊齊穿上紅噹噹的服飾,甚具新年氣氛。近日陳豪、林保怡和黃德斌所組成的SoberBand被指是他們的勁敵,李思捷直言視他們為勁敵,又自言很驚與他們對撼,祖藍則笑說:「佢哋有四個人,我哋得三個人,家明係佢哋肚裡面,骨肉相連,我哋兩隊band加埋都成百歲啦!」
福祿壽更打趣表示如果和SoberBand齊齊角逐今年的組合獎,那麼連CAllStar都望塵莫及,不過他們獻唱的新春歌到現時仍未上勁歌金榜,所以他們也希望兩隊組合有機會效法徐子珊、謝天華等人,可以孖住到外地登台開騷搵真銀。
祖藍繼續謙虛表示無法與SoberBand比較,並說:「只係睇德斌嘅胸肌,陳豪嘅咖啡味,仲有林保怡嘅男人魅,冇得輸,佢哋《年少無知》已經夠經典,只得一首歌就咁勁。」祥仔亦附和表示《年》曲將會成為另一首《上海攤》同《忘盡心中情》,所以與他們對撼一定蝕,加上三人是前輩,林保怡早年已是歌手更出過碟。
不過當提到SoberBand雖受歡迎但無緣捧獎,祖藍說:「學陳豪話齋,觀眾歡喜就得,冇獎攞冇緊要。」李思捷更衝口而出說:「夾硬嚟嘅獎就唔會攞。」明寸林峯憑《Chok》得金曲金獎屬「夾硬嚟」,現場眾人即起哄指他言之有物,思捷即補鑊說:「如果我哋贏SoberBand就唔好啦,佢哋係前輩。」
採訪:胡比
攝影:黃文偉