碧桂園(2007)業績靚仔，內地記者又笠高帽，指碧桂園係「全球最大房企」，難怪主席楊國強噚日笑到見牙唔見眼。

63歲嘅楊總噚日心情勁靚，俾人問佢幾時學「超人」李嘉誠退休，佢爆出一句「我也想退休！」但佢話，二女楊惠妍同佢講：「你看李嘉誠，人家多大年紀才退休！」仲話要將個女嘅電話畀記者，叫記者直接問個女！

查實2005年，楊惠妍加入公司後，楊國強已將七成股權轉讓畀佢，準備磨練佢接班。但對比超人大仔李澤鉅，加入公司超過30年先放心交棒，數數手指，楊惠妍加入公司先至13年時間，相信楊總仲有排做！

蘋果財經，關心你飯碗
http://fb.com/appledailyatm