當年今日
關於我們
尖區摸貨暫難賺錢
蘋果日報 2005/11/10 00:00
港晶中心雖然出現摸貨,但炒家實際只係執些少。
樓價唔升,甚至掉頭下跌,炒家趕緊出貨,卓先預計,短期內寫字樓價格受壓,尖沙嘴區會由用家主導,近月摸貨成交減少,未來唔排除有蝕讓。
卓先統計,尖沙嘴寫字樓十月有三十四宗成交,比九月減少大約三成,個別摸貨只有微利,例如港晶中心五樓○八A,一個月兩度易手,炒家賺得六巴仙,執十六萬,但畀埋佣金律師費,剩番冇幾多可以落袋。
另外,好時中心七樓十室,業主四月用每呎五千六百蚊買入,揸咗半年,上個月以五千七走咗,賺二十一萬。