韓國綜藝節目《Running Man》前成員Gary，自今年4月自爆結婚後，早前突然刪除Instagram嘅所有照片及留言，就連《RM》成員亦透露Gary轉咗電話號碼，令成員唔可以同佢聯絡。

而喺Ig消失咗成個多月嘅Gary，噚日深夜終於再次喺Ig蒲頭，先後上載咗三張相，當中一張係一張沙灘照，另外兩張就係自己喺日本拍嘅近照，當中風景照佢更留言：「#無話可說#不喜歡#Hawaii」，網民都估計Gary身在夏威夷，仲猜測佢老婆唔知有冇同行，會唔會再度蜜月。而Gary嘅文青look近照可見佢似乎憔悴了，唔知係唔係為即將回歸做準備呢？

另外，Gary下周二將會喺馬來西亞舉行演唱會，佢今年5月因為喺當地突然取消個唱，當時佢承諾會再返大馬開騷。