卓林同太太Andi因為欠租，再次驚動警方，最後要向阿媽吳綺莉求助。噚日一家三口外出去銀行，吳綺莉全程面黑黑，緊閉雙唇不發一言。(相關新聞﹕ https://bit.ly/2GebpKY )

今日下午一時許，吳綺莉單拖離開大坑寓所，素顏戴住副黑框眼鏡，但仍難掩好大個黑眼圈。吳綺莉揸車去到西環一間藥房買嘢，佢同店員講咗幾句後，就拎出背囊，要求店員直接將所需物品塞入去，大約五分鐘後離開返家。

由於有大批記者拍攝，唔少街坊都有眼望望，有人話﹕「咪小龍女阿媽囉。」吳綺莉落車時，記者亦有趁機會問佢：「噚晚有冇同囡囡好好傾吓？」佢冷笑咗一下，然後話：「唔講喇！」然後就返咗上樓，而卓林同Andi就冇離開屋企。

而吳綺莉噚晚就係facebook留言：「昨天的事放下，今天的事做好，明天的事再算，感謝天父感恩每一天。」仲話﹕「覺得活著真好」。真係充滿正能量！

精選娛聞，喺晒《娛果》
http://fb.com/appledailyent