近年，德國保時捷車廠所推出嘅新作，都叫車迷為之拍案叫絕，當中包括有Cayenne及911TurboCabriolet等車款；然而，最近外國方面就有消息傳出，話廠方有意於2005年，為旗下備受追捧嘅Boxster車系，推出硬頂Coupe版，實行與開篷版本並肩進軍車壇咁話。

從預想圖中可以睇到，快將推出嘅BoxsterCoupe，其外形設計仍貫徹原有Boxster開篷版嘅神髓，但改用上Coupe硬頂設計及全新車首造型後，卻予人有一新耳目嘅感覺，而掀背式設計，更方便乘客提存儲於尾廂嘅行李㖭！車廂布局亦會有不少改動，但現階段暫未有關於呢方面嘅資料，故有待廠方進一步公布有關消息後，方能得知其確實組合。
機械配搭則會與現有型號一樣分有兩個組合，其中普通版BoxsterCoupe，將會起用一台2.7公升水平對向六汽缸偈（馬力228匹），而頂級S版則會用上一台3.2公升偈，馬力輸出更高達260匹，輔以6前速手波或5前速Tiptronic半自動波，性能表現毋庸置疑。