周三(9日)第八場二班1200米：「越影」、「光芒再現」、「陀飛輪」及「喜益善」上次同場，一齊隔十日再跑，前三駒均力拚爭前四名，邊隻會走樣或仍頂得住，賽前計唔到！

「陀飛輪」繼續有一檔，換史卓豐，信心雖不及用蘇兆輝，但信其逾1100磅身體條件，可以支持密搏，姚本輝今季亦有不少馬能打叠好。

「越影」向來都鍾意，也一再強調牠休後威力特強，今次匆戰，威力可能會跌少少，與「陀飛輪」磅位拉闊至要讓八磅，也足以成為「陀飛輪」反先條件。「鴻圖飛星」八檔起步，可望跟內側七檔「你知我心」埋到二叠，若真的做到，以其目前當銳狀態，升班釋重負，有望交出比近仗三班負重磅更強威力。

「金滿載」有少許復蘇勢頭，重返谷草跑強項，同場有足夠快馬，排四檔對人馬發揮都無帶來難度。「光芒再現」上賽無跑錯而衝輸無Ｐ，表現略遜預期，今場轉排外檔，會秤低。