【新增動新聞】
尼馬今夏以破世界紀錄2.22億歐元轉會費由巴塞隆拿轉投巴黎聖日耳門（PSG）之後，發生咗同卡雲尼爭射罰球同12碼嘅事件，據西班牙傳媒報道，原來烏拉圭球星卡雲尼喺更衣室畀尼馬嘅「見面禮」都好特別吓，竟然問佢係咪以為自己係美斯，唔知呢個會唔會係佢哋搞成咁嘅導火線呢？

據西班牙《國家報》（El Pais），尼馬當日第一次踏入PSG更衣室，卡雲尼就對呢位巴西球星話︰「呢個邊位？你係咪以為係美斯？」卡雲尼到底係開玩笑定真係想侮辱尼馬就唔清楚，但有指尼馬就係想脫離美斯陰影先至離開巴塞，卡雲尼如果真係有咁講，相信尼馬點都唔會太開心囉。