每有天災人禍，香港人都為善不甘後人，但並非人人樂於做善事。毛公仔在she.com留言稱，日前為某志願機構賣旗便遇到一個超級孤寒女人，竟然只捐四毫子，還要索取收據申請扣稅，「好嬲！邊有人咁樣買旗㗎！」

毛公仔說，當日該女子與丈夫及囝囝同行，毛公仔上前請她買旗時，給她貼了一個旗仔，對方卻不客氣地要求給囝囝四個旗仔，毛公仔以為她是善長也無拒絕，怎知這時女子出蠱惑，「她不停在手袋內找，找了一會，她問我如果畀10元有冇錢找。」

老公睇唔過眼

毛公仔稱賣旗冇得找續，這時孤寒女子終於找出兩個兩毫子，「佢問我係咪捐多少都可以，我話捐錢隨心意，佢立即捐咗嗰四毫子。」買五個旗仔只捐四角，連那孤寒女人的老公也看不過眼，「佢老公可能覺得老婆太過份，隨手在褲袋拎咗張100蚊紙放入我個賣旗袋，點知個女人問我攞收據，話捐款100蚊以上，有收據就可以向稅局申請扣稅，佢捐咗100蚊零四毫子，所以要收據。」
毛公仔哭笑不得，說買旗要收據扣稅聞所未聞，孤寒女人的老公見老婆失禮人，即拉她離開。網友指這孤寒女人堪稱百年難得一見奇女子，毛公仔遇上認真「好彩」。
有志願機構負責人稱，街上賣旗不會發出收據，市民直接捐款則可獲發收據。根據《稅務條例》，向認可慈善團體捐贈不少於100元可申請扣稅。

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]