金像影后珍妮花羅倫絲（JenniferLawrence）過去兩年聖誕，都有去到位於家鄉肯塔基州路易維爾市嘅一間醫院探病童送暖，今年都唔例外，佢前日就再去到醫院探班一班未能同家人共度聖誕嘅小朋友，為佢哋帶嚟希望同歡樂，相當有愛心。

珍妮花忙完宣傳《飢餓遊戲終極篇：自由幻夢2》（TheHungerGames：MockingjayPart2），又到佢另一部新片《歡姐當自強》（Joy）上映。而荷李活著名導演昆頓塔倫天奴（QuentinTarantino）日前受訪時就自爆係珍妮花粉絲，原本邀請對方演出佢部新片《冰天血地8惡人》（HatefulEight），雖然珍妮花都有好禮貌咁同佢見面，不過珍妮花真係太忙，根本無可能接拍，最後個角色就由另一個珍妮花，JenniferJasonLeigh演出。