當年今日
關於我們

【武漢肺炎】多人於Carousell買口罩被騙 數十市民深夜求退款不果

蘋果日報 2020/03/05 11:00

口罩騙案Carousell

武漢肺炎襲港,全城人心惶惶,市民搶口罩自保,惟市面口罩賣斷貨「一罩難求」,不少人幫襯網上賣家,有騙徒竟窺準時機行騙。讀者余小姐向《蘋果》透露,她在上月6日見到有人在二手買賣平台Carousell出售口罩,由於價錢合理,加上自身和家人需要,於是私信賣家並透過轉數快付款,購買10盒Medicom ASTM Level 3 口罩,每盒共有50個口罩,總值約900元。
由於賣家的WhatsApp為商業用戶,加上賣家的態度十分積極,主動將200多名購買口罩的買家加入同一個WhatsApp群組,方便跟進口罩到港的情況,令余小姐信心大增,「佢(賣家)聲稱自己唔會呃人,又話自己如果呃人就唔會加晒我哋入group,畀大家跟進啲口罩啦」。據她所知,有人向賣家訂購超過50盒口罩,惟口罩一直未能成功運到香港,賣家亦曾主動送出一盒口罩予對方應急,「嗰陣仲覺得佢好好,唔收人錢,有時佢見啲人冇口罩用,都會送十個八個畀人添」。
不過,其後有第一批及第二批訂購口罩的買家表示,賣家原本答應會在二月中至二月尾發貨,但一直用多種藉口延期推搪,例如自己患急病要入醫院、口罩仍未運到香港等,推遲發貨日期。余小姐指自己是第三批下單的買家,預訂3月16日才能取貨,但早前賣家指鑑於多人退款,令第三批訂購口罩的人士能夠提早取貨,要求所有訂購口罩的人士在周三(4日)晚上8時15分在觀塘開源道駱駝漆大廈第3座取貨,但未有告知確實的地址及單位號碼,「(賣家)淨係話(晚上)8點3喺群組度公佈地址,咁我哋到時就可以上去拎喇,但去到(晚上)8點3嗰陣,佢就同我哋講仲需要多少少時間,因為仲有幾箱口罩未完成分貨」。
所有人不虞有詐,一直在大廈地下一直等候賣家的回覆,最高峰時更有60至70人在樓下等候,豈料等至晚上10時,仍未有人通知他們取貨,「我哋keep住有人打電話畀佢,電話雖然接通咗,但一直冇人應,send WhatsApp畀佢又唔覆」。由於未能聯絡賣家,大家始知上當受騙,於是集體到觀塘警署報案,「睇返退錢個群組,其實有啲人訂嘅數量係好多,涉及的金額可能係8、9000蚊,甚至萬零蚊都有嘅」。
余小姐指他們連日來不斷撲口罩,已經心力交瘁,認為賣家不斷給予假希望的行為極不要得,「有啲人一家大細都買唔到口罩,要等佢啲口罩應急,點知佢就不斷拖延,編唔同嘅故事呃人」,現只希望賣家能夠盡快發貨或退款予一眾苦主。
《蘋果》正就事件向警方查詢,而警方昨日在fb專頁表示,警方近日接獲超過1,000宗網上口罩騙案,至今共拘捕21男5女,涉及騙款超過28萬元。
韓國KBS時事節目《時事直擊:香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆,我敢獎! 立即WhatsApp《蘋果》24小時爆相爆片熱線致電:63836568
empty
由於賣家所用的WhatsApp是商業賬戶,令余小姐信心大增。鄭大康攝
empty
受害人余小姐指賣家在Carousell出售口罩。鄭大康攝
empty
超過50名受害人在駱陀漆大廈樓下等候。鄭大康攝