陳佐洱形容佔領期間教育亂象叢生,黃之鋒反駁指年輕人參與政治運動是源於不滿政府,絕非教育亂象,「青少年政治參與,通識科都有教,你可以自己選擇支持佔領或反對佔領,你鍾意掛黃絲帶定藍絲帶,冇人阻你,老師亦冇威逼你一定要係黃定藍」。他又指,揮動港英旗、衝入解放軍軍營只屬少數人,「點解你要憑少數人所講嘅嘢,就定奪全個學界有問題,咁係強詞奪理嘅做法」。
先有北京護法前指香港教育要去殖民化,再有陳佐洱指港生要補腦。但黃之鋒指出,接連有學生被沒收回鄉證、拒絕入境內地,是中央政府拒絕讓年輕人去認識國家,「你有乜資格話香港年輕人唔願意了解國家,𠵱家係國家唔願意畀年輕人去了解」。
■記者王家文