【新增內容】日本尊尼事務所王牌組合嵐組成20年，昨日再登東京巨蛋開騷，是次巡演「ARASHI Anniversary Tour 5×20」走遍東京、大阪、名古屋、福岡、札幌五大巨蛋開騷，屬五子10度舉行巨蛋巡唱，但同時傳出組合在2020年東京奧運後解散之消息，令粉絲心情百感交集。

嵐在東京站首場上宣佈跨年騷共開50場，預計總入場人數多達237.5萬，超越三代目J Soul Brothers前年開鑼、共48場巡演創下嘅180萬觀眾紀錄。及至今日，嵐成員相葉雅紀開騷度過36歲生日，獲歌迷送上祝福。至於Oricon每年舉行由2萬樂迷選出嘅「第15屆最喜愛歌唱單位排行榜」，嵐相隔兩年再獲選為No.1，係佢哋第8次登上冠軍，已引退嘅天后安室奈美惠、女子組合乃木坂46，分別由去年15位、19位躍升至亞軍及季軍，而Mr.Children則排殿軍。櫻井翔、二宮和也、松本潤、相葉雅紀、大野智昨日完騷後，在後台見各大傳媒，並談到於「最喜愛歌唱單位」已第8次登頂，櫻井翔就形容是「無上的光榮」。

另方面，有日本傳媒指，櫻井翔早前出席慶應大學嘅舊同學飯局，當佢幾杯落肚，醉醺醺嘅櫻井翔突然大爆：「嵐都快要解散」、「1月後的檔期空白一片」其發言未知孰真孰假，不過消息傳到媒體耳邊，隨即引來各方面揣測，估計櫻井翔所指嘅「1月」發生在2021年，亦即係2020年夏天舉行嘅東京奧運之後，亦有指到時尊尼事務所將開綠燈讓成員們可以成家立室。

精選娛聞，喺晒《娛果》
http://fb.com/appledailyent