韓國Mnet推出嘅新一季選秀節目《PRODUCE 48》，跟日本AKB48合作，於96名練習生中選出12人出道，節目已於早前首播。

噚日播出第二集收視更創新紀錄有1.9%，當中HKT48主將宮脇咲良喺身二集繼續發威，喺舞台獨自表演時，表現雖無失誤，但亦都唔係好顯眼，所有導師都畀咗「B」級成績，舞蹈導師裴允靜則話：「信我一次，讓佢成為A。」其他導師思考後，亦同意畀佢成為A等級，裴允靜更讚宮脇咲良話：「有點知道你為點解會成為（日本）人氣候補一位嘅原因了」，令宮脇咲良感動流淚，其他導師亦讚佢眼中有火。

至於SKE48一姐松井珠理奈今年嘅第10屆AKB人氣總選中以19萬票封一姐，但佢喺《PRODUCE 48》中就被評為B成績，松井珠理奈本身出道10年，所以演出經驗豐富，即使獨自喺台上表演亦唔怯場，令唔少韓國練習生大感佩服，但導師卻評價：「雖然喺日本人氣好高，但似乎同我哋所想要嘅不太符合。」

更多韓流，喺晒《娛果》
http://fb.com/appledailyent